Қазақстандағы Россотрудничество өкілдігі Таразда Санкт-Петербургтен келген танымал фотосуретші Сергей Ларенковтың «Блокадалық альбом» көрмесін ұйымдастырды. Экспозиция Жамбыл облысының оқушылар сарайларына ұсынылады. Бұл туралы Нұр-Сұлтандағы Ресей Ғылым және мәдениет орталығының баспасөз қызметі хабарлады.
Ашылу салтанатында біздің елдегі Россотрудничество өкілдігінің жетекшісі Алексей Коропченко бұл көрме «Ұлы Отан соғысы: ХХІ ғасырдағы көзқарас» ауқымды жобасының бөлімі екенін айтты.
Сонымен қатар, Коропченко бұған дейін Петербург фотосуретшісінің көрмесі Қазақстанның бірнеше қаласында ұйымдастырылғанын және онымен біздің 10 мыңнан астам азаматтарымыз танысқагын атап өтті.
Жоба кураторы, Таразда танымал педагог Ольга Сагандыкова, өз кезегінде, Россотрудничество өкілдігіне аймақ тұрғындарына осы экспозицияны көруге мүмкіндік бергені үшін алғыс білдірді.
Сондай – ақ, Сағандықова 27 қаңтар – Ленинградты қоршаудан босату күні қарсаңында көрменің ашылуының маңыздылығын атап өтті.
«Біздің өлкемізде аңызға айналған Невадағы қала қорғаушының ерлігіне деген көзқарас ерекше. Біздің жерлесіміз, ұлы ақын Жамбыл әлемге әйгілі «Ленинградтықтар, балаларым! Ленинградтықтар, мақтанышым меің!» өлеңін жазды»- деді Сағандықова.
Экспозиция қоршаудағы Ленинградтың, қазіргі Санкт-Петербургтің суреттері және фотоколлаждардан тұрады.
