Мәжілісмендер мен сенаторлар қорғаушы қызмет туралы заң жобасы бойынша келіспеушіліктерді жойды. Келісім комиссиясының ұсыныстары Парламент Мәжілісінің пленарлық отырысында қаралып, қолдау тапты, деп zakon.kz хабарлайды.
Депутаттар республикалық заң консультанттары алқасын құру туралы даулы норма бойынша консенсусқа келді. Ұсыныстарды ескере отырып, норма пысықталды.
Депутат Арман Қожахметовтың айтуынша, келісім комиссиясының үш отырысы өтті.
Отырыста заң қоғамдастығы өкілдерінің пікірлері тыңдалды. Келісу комиссиясы бірауыздан шешім қабылдады және даулы баптың жаңа тармағының бірлескен редакциясын әзірледі. Оған сәйкес Республикалық заң консультанттары алқасы облыстардың, республикалық маңызы бар қалалардың және астананың кемінде үштен екісінің атынан өкілдік ететін заң консультанттары палаталарының ерікті мүшелігіне негізделген коммерциялық емес ұйым болып танылатын болады. Норманың толық мәтіні салыстырмалы кестеде келтірілген, — деді ол.
Естеріңізге сала кетейік, бұған дейін Мәжіліс пен Сенатта корғаушы қызмет туралы заң жобасы бойынша туындаған келіспеушіліктерді шешу үшін келісім комиссиясы құрылған болатын. Атап айтқанда, республикалық заң консультанттары алқасын құруға қатысты түзету туралы сөз болды.
Біз республикалық заң консультанттары алқасын құруға қатысты ұстанымнан басқа, ҚР Парламенті Сенаты енгізген түзетулердің көпшілігімен келістік. Бізде осы палатаны құру тәртібі жөнінде келіспеушіліктер туындады. Жалпы редакцияны әзірлеу үшін келісім комиссиясы құрылды, — деп Снежана Имашева агенттік тілшісіне түсіндірді.
