Қазақстан делегациясы Оңтүстік Кореяға ресми сапары аясында осы мемлекеттің электрондық үкіметінің қазіргі жай-күйімен танысты.
Сапар барысында мемлекеттік қызмет саласындағы Астана хабының басқарушы комитетінің төрағасы Әлихан Байменов қоғамдық әкімшілік және қауіпсіздік министрі Джин Енмен кездесті.
Келіссөз барысында Оңтүстік Корея Қазақстан құрған электрондық үкімет альянсының жұмысына қосылуды жоспарлап отырғанын атап өтті.
Сонымен қатар, Оңтүстік Корея үкіметінің мүшесі,өз елінің министрлігі «Ашық үкімет» және «Ақылды қала» бағдарламалары аясында Қазақстанмен 23 жоба бойынша тәжірибе бөлісетінін атап өтті.
«Оңтүстік Кореяда электрондық үкіметті дамыту тек технологияларды пайдалану ретінде ғана емес, ол демократияны дамыту, қоғамдық құндылықтарды жетілдіру және әрбір азаматтың дербес мүмкіндіктерін арттыру құралы.Осындай жан-жақты тәсілдің көмегімен Корея үкіметі қоғам мен адам мүддесінде инновацияны пайдалана отырып, бүкіл әлем үшін үлгі болып отыр», — деді Бәйменов.
Сурет: 24.kz
