«Каһармандар» республикалық қоғамдық қорының басшысы Сабыр Қасымов мемлекет басшысы Қасым-Жомарт Тоқаев тапсырған саяси қуғын-сүргін құрбандарын ақтау жөніндегі мемлекеттік комиссияға қатысты пікірін білдірді, деп хабарлайды «Хабар24» ақпарат агенттігі.
Қасымов Тоқаевтың тапсырмасы бойынша Қазақстанда ашылатын осы қор жаңа ғылыми-зерттеу жұмыстарын жазуға жол ашады деп есептейді.
Сонымен қатар, қоғам белсендісі жаңа мемлекеттік комиссия жұмысының нәтижесінде саяси қуғын-сүргін құрбандарын ақтау туралы жаңа Заң шығуы мүмкін екенін атап өтті.
«30 жыл ішінде ғалымдар бұл мәселені кешенді зерттеді. Бізде қандай санаттар ақталған, неге олар қолданыстағы заң бойынша ақталмады, осы проблеманы шешу жолдары мен шаралары туралы ұсыныстар енгізілді. Менің ойымша, ғалымдар жасаған қорытындылар, қосымша зерттеу, мұрағат негізінде комиссия жұмыс істейді», — деді Сабыр Қасымов.
«Каһармандар» республикалық қоғамдық қорының басты міндеті біздің республикамыздың бостандығы мен тәуелсіздігі үшін күресте зардап шеккен адамдарды ақтау және мәңгі есте қалдыру болып табылады.
Бұған дейін Қазақстан Президенті әкімшілігі басшысының орынбасары Дәурен Абаев Қазақстанда халық көтерілісіне қатысушыларды саяси қуғын-сүргін құрбандарына теңестіруді жоспарлап отырғанын айтты.
