Бүгін парламенттің төменгі палатасының төрағасы Нұрлан Нығматулин Қазақстандағы танымал саясаттанушылар және сарапшылармен кездесу өткізді. Бұл туралы Хабар24 ақпарат агенттігі жазады.
Кездесу барысында Мәжіліс спикері депутаттық корпустың сарапшылар қауымдастығымен өзара іс-әрекетіне қатысты өз пікірін білдірді.
Нығматулиннің айтуынша, ол басқаратын парламент палатасы азаматтық қоғам үшін әрдайым ашық және түскен барлық ұсыныстарды қарауға дайын.
Оның пікірінше, қазақстандық сарапшылардың пікірлері республиканың дамуына және оның азаматтарының өмір сүру деңгейін арттыруға бағытталған заңдарды дайындау процесінде ескерілуі керек.
“Біз заң жобаларымен жұмыс істегенде бағалауы мен қорытындыларына сүйену үшін, сарапшылар қауымдастығымен тұрақты байланыс орнатуға мүдделіміз”, – деп толықтырды Нығматулин.
Сонымен қатар, Мәжіліс басшысы депутаттармен сарапшылардың өзара жемісті іс-қимылының нәтижесі сапалы заң жобалардың қабылдануы болатынына сенім білдірді.
Сондай-ақ, саясаттанушылар және сарапшылармен кездесу барысында Нұрлан Нығматулин парламенттік демалысқа қарамастан, мәжілісмендер қазіргі уақытта 72 заң жобасымен жұмыс істеп жатқанын, олардың 20-дан астамына депутаттардың өздері бастамашы болғанын айтты.
Сурет: 24.kz
