Еліміздің билеуші партиясы басшысының орынбасары Бауыржан Байбек Nur Otan праймеризінің бірінші кезеңін өткізу туралы хабарлады. Бұл туралы «Қазақпарат» ақпарат агенттігі жазады.
Ең мықты көшбасшыларды анықтау мақсатында өткізілетін партияішілік сайлауға қатысуға үміткерлерді ұсыну және тіркеу, оларды кейін Nur Otan-нан Мәжіліс пен мәслихаттарға сайлау алдындағы партиялық тізімдерге енгізу туралы сөз болып отыр.
Байбектің айтуынша, бүгінгі таңда 3209 азамат билеуші партияның праймеризіне қатысуға өтініш берді. Кандидаттардың басым бөлігі, атап айтқанда 2130 адам өзін-өзі ұсынушылар болып табылады.
Күнтізбелік жоспарға сәйкес кандидаттарды ұсыну және тіркеу 28 тамызға дейін жалғасады. Партияішілік сайлауға қатысуға кез келген азамат өтініш бере алады, бірақ ол үшін Nur Otan қатарына қосылу қажет.
Кандидаттарды ұсынғаннан және тіркегеннен кейін, атап айтқанда 31 тамыздан бастап, 6 қыркүйекке дейін үгіт-насихатқа дайындық басталады.
Үгіт-насихат жұмыстары жоспарға сәйкес 7 қыркүйектен басталып, 1-3 қазан аралығында өткізілетін электрондық дауыс беру аяқталғанға дейін жалғасады.
Сурет: rus.azattyq-ruhy.kz
