Алдағы бес жылда билеуші партия Павлодар облысында 12 инвестициялық жобаны жүзеге асыруға ниетті. Бұл туралы Nur Otan-нан облыстық мәслихат депутаттығына үміткер Нағашбек Әубәкіровтың сенімді өкілі Жангелді Ешімов мәлімдеді.
Ешімовтың айтуынша, бұл инвестициялық жобаларды іске асыру өңірде 4 мыңға жуық жаңа жұмыс орнын ашуға мүмкіндік береді, бұл өз кезегінде жұмыссыздық деңгейін төмендетуге ықпал етеді.
Билік партиясы бәсекеге қабілетті тауар түрлерін шығару үшін, жұмыс істеп тұрған Павлодар кәсіпорындарында 12 жобаны іске асыруды, сонымен бірге экспорттық өнімдер тізбесін кеңейтуді қалайды.
Сондай-ақ, алдағы бес жылда Nur Otan 45 қоқыс үйіндісін экологиялық талаптар мен санитарлық ережелерге сәйкес келтіруді, «Павлодар» еркін экономикалық аймағының инженерлік инфрақұрылымының құрылысын аяқтауды және Былқылдақ көлінің бойында сүзгіге қарсы бүркеу салуды жоспарлап отыр.
Осы және басқа да міндеттер Павлодар облысы бойынша басқарушы партияның сайлауалды бағдарламасында белгіленген, Ешімовтің айтуынша, оны іске асыру өңірге оң әсерін береді.
Ол бағдарлама өңір тұрғындарының өмір сүру сапасы мен әл-ауқатын жақсартуға бағытталған бірқатар тиімді шараларды қамтитынын баса атап өтті.
Сурет: kt.kz
