Қазақстан Жоғарғы сотының басшысы Жақып Асанов Тұңғыш Президент Нұрсұлтан Назарбаевқа еліміздің сот жүйесіндегі реформаларды жүзеге асыру аясындағы іс-шаралардың іске асырылу барысы туралы баяндады. Бұл туралы Елбасының баспасөз қызметі хабарлады.
Жоғарғы сот төрағасы Назарбаевпен кездесу кезінде судьяларды жаңа әдіс бойынша аттестаттаудан өткізу туралы айтты.
Асановтың айтуынша, биыл аттестаттау процесіне қатысқан 377 судьяның 11% – ы оны өте алмады. Сонымен қатар, ол 2020 жылдың соңына дейін тағы 260 судья аттестациядан өтетінін атап өтті.
Сондай-ақ, өткен кездесу барысында Назарбаевқа сот актілерінің тиімділігін арттыру және сот мекемелерінің қызметкерлеріне жүктемені төмендету бойынша қабылданып жатқан шаралар туралы ақпарат берілді.
Елбасы, бүгінгі таңда сот мекемелері мемлекеттік басқару жүйесінде маңызды орын алатынын атап өтті. Сондай-ақ, Назарбаев халықтың отандық соттарға деген сенімін одан әрі арттыру қажеттігі туралы мәлімдеді.
Тұңғыш Президент қазіргі заман әлемінде сот жүйесінің тиімділігін арттыру көптеген шет мемлекеттер үшін өзекті мәселе болып табылатынын атап өтті.
“Сотқа деген көзқарас өзгереді. Алайда, сіздерге әлі көп жұмыс атқару керек. Біз ғана осы проблемамен айналысып жатқан жоқпыз, бұған басқа да мемлекеттер ерекше көңіл бөліп отыр”, – деді Елбасы.
Сурет: inform.kz
