Бүгінгі үкімет отырысында Мемлекет басшысы министрлерді қазақстандық өндірушілер шығарған костюмдерді киюге шақырды.
«Өз өнімдерін, киімдерін насихаттау керек. Бұл жерде отырғандар-барлығымыз отандық костюм киіп келуіміз керек.Қорқынышты ештеңе жоқ. Анықтап қарамаса, оның (костюмнің) қайдан әкелінгені де көрінбейді. Әлемде, әсіресе, мемлекеттік қызметкерлер үшін арнайы қарапайым киім бар. Сонда біз отандық жеңіл өнеркәсіпті көтереміз», — деп мәлімдеді Президент.
Мемлекет басшысы,сондай-ақ, Қазақстанда екі ағайынды құрған отандық киім шығаратын компания бар екенін хабарлады
«Егер біз оларға жол ашсақ, олар да үлкен компанияға өседі. Біз базарларға, анда-мында барамыз, бірақ өзіміздің ішкі нарығымызды пайдаланбаймыз», — деп түйіндеді Нұрсұлтан Назарбаев.
Сулет: tengrinews.kz
