Елордалық сыбайлас жемқорлыққа қарсы ведомоство басшысының орынбасары Жазира Жылқышиева сыбайлас жемқорлық фактілері туралы ақпарат берген адамдарға қанша төленетінін айтты, деп хабарлайды tengrinews.kz ақпарат ресурсы.
Жазира Жылқышиева қазіргі уақытта, белгіленген көтермелеу ережелеріне сәйкес, сыбайлас жемқорлық фактілері туралы хабарлаған тұлғаларға төленетін төлем мөлшері сыбайлас жемқорлық құқық бұзушылық санатына байланысты болатынына назар аударды.
Сондай-ақ, Нұр-Сұлтанның сыбайлас жемқорлыққа қарсы қызмет өкілі егер азамат сыбайлас жемқорлық туралы ақпарат үшін ақшалай сыйақыдан бас тартса, ол грамотамен марапатталуы мүмкін екенін баса айтты.
Жылкышиева хабарлағандай, өткен жылы Нұр-Сұлтанның екі тұрғыны жемқорлық құқық бұзушылық фактілері туралы ақпарат бергені үшін ақшалай сыйақы алды. Оның айтуынша, ақшалай сыйақы мөлшері 350 мың теңгеден асты.
Сөз соңында сыбайлас жемқорлыққа қарсы іс-қимыл департаменті басшысының орынбасары мемлекеттік органдардың сыбайлас жемқорлық құқық бұзушылық жасағаны туралы ақпараты бар Қазақстан Республикасының кез келген азаматы Нұр-Сұлтанның сыбайлас жемқорлыққа қарсы қызметіне жүгіне алатынын еске салды.
Сурет: 24.kz
