Еріктілер Нұр-Сұлтанда тұратын Ұлы Отан соғысының ардагерлеріне азық-түлік себеттерін тапсырды, деп хабарлайды елорданың атқарушы билік органының баспасөз қызметі.
Бұл туралы “Жас Сарбаз” қоғамдық ұйымының елордалық филиалының басшысы Асхат Наушыбек толығырақ айтты. Оның айтуынша, азық-түлік жиынтығы түрінде көмек тек ардагерлерге ғана емес, жалғыз басты көп балалы аналарға да көрсетілді.
Азық-түлік жиынтығының құрамына май, жарма, қант және басқа да қажетті өнімдер кірді. Акция қалалық әкімдік, “Астана жастары” коммуналдық мемлекеттік мекемесі, Ұлттық әскери-патриоттық орталық, “Жас Сарбаз” қоғамдық ұйымы және “Магнум” сауда орталығының қолдауымен өткізілді.
Наушыбек еріктілер мұқтаж азаматтарға азық-түлік себеттерін таратуға ғана емес, сонымен қатар халықты қолдау бойынша басқа да іс-шараларға қатысатынын атап өтті. Атап айтқанда, олар қарт адамдардың үйіне барып, үй шаруашылығына көмектеседі.
Сонымен қатар, “Жас Сарбаз” мобильді топтары қоғамдық орындар мен сауда-ойын-сауық орталықтарына барып, адамдарға жеке қорғану құралдарын таратады, осылайша коронавирустық инфекцияның таралуына қарсы күреске үлес қосуда.
Сурет: inform.kz
