Қазақстан Үкіметі тағы да республикадағы бас санитарлық дәрігерді ауыстыру шешімін қабылдады. Енді бұл лауазымда 47 жастағы Ерлан Қиясов жұмыс істейтін болады.
Жаңа бас санитарлық дәрігер Қазақ мемлекеттік медицина университетін, Орталық Азия университетін және әл-Фараби атындағы Қазақ Ұлттық университетін бітірген.
Еңбек жолын 1990 жылы бастаған. Сол жылдары ол Алматыдағы жедел жәрдем ауруханасында жұмыс істеді. 1999 жылдан бастап Ерлан Қиясов қазіргі Денсаулық сақтау министрлігінің басшысы Алексей Цой басқарған Президент әкімшілігінің медициналық орталығында санитарлық дәрігер болып жұмыс істеді.
Қиясов Айжан Есмағамбетованың орнына бас санитарлық дәрігер болып тағайындалды. Бұл биылғы жылы Қазақстанда санитарлық дәрігердің екінші ауысуы.
Алайда, Есмағамбетова республикамыздың бас санитарлық дәрігері қызметінен босатылу себебі әзірге белгісіз.
Есмағамбетованың қаулылары заңсыз және мағынасыз деп заңгерлердің сынына бірнеше рет түскені ғана белгілі.
Осы пікірді айтқан заңгерлердің бірі Жангелді Сүлейманов. Ол заңға сәйкес санитарлық дәрігерлер азаматтардың құқықтары мен міндеттерін анықтай алмайтындығын бірнеше рет айтты, өйткені парламент қабылдаған, кейін президент қол қойған заңдар ғана азаматтардың құқықтары мен міндеттерін анықтайды.
Сурет: rus.azattyq.org
