Бүгін біздің Республикамыздың мемлекеттік хатшысы Қырымбек Көшербаевтың төрағалығымен онлайн-режимде Президент жанындағы сыбайлас жемқорлыққа қарсы күрес мәселелерімен айналысатын комиссияның отырысы өтті, деп хабарлайды “Қазақпарат”ақпарат агенттігі.
Отырыстың күн тәртібіне екі мәселе шығарылды: “Көлеңкелі экономикаға қарсы іс – қимыл бойынша мемлекеттік органдар қабылдаған шаралардың тиімділігі туралы” және “Мемлекеттік бақылау мен қадағалауды одан әрі жетілдіру”.
Комиссия мүшелері біздің мемлекеттегі көлемі ЖІӨ-нің 20%-ынан асатын, көлеңкелі экономикаға қарсы билік органдары қабылдап жатқан шаралардан бастады.
Отырыста көлеңкелі экономиканың көлемін азайту мақсатында Қазақстанда 2019-2021 жылдарға арналған тиісті іс-шаралар жоспары қабылданғанын, сондай-ақ мемлекеттік сатып алуға қатысушыларды қазынашылық сүйемелдеуді енгізу, заңнаманы жетілдіру және қолма-қол ақшасыз төлемдер инфрақұрылымын дамыту бойынша жұмыстар жүргізіліп жатқанын айтты.
Комиссия мүшелері екінші мәселені қарастыра отырып, мемлекеттік бақылау және қадағалау жүйесін жетілдіру еліміздің 2025 жылға дейінгі стратегиялық даму жоспарында, “Цифрлық Қазақстан” бағдарламасында және 2020 жылға дейінгі кәсіпкерлік қызметті мемлекеттік реттеу тұжырымдамасында көзделетінін атап өтті.
Отырысқа қатысушылар осы бағдарламалардың арқасында көпжылдық ескірген тәжірибені, сонымен бірге мемлекеттік бақылау және қадағалау саласындағы тәсілдерді өзгертуге болатынын баса айтты.
Бейнеконференцияда ұсынылған баяндамалармен танысқаннан кейін, мемлекеттік хатшы Қазақстандағы көлеңкелі экономикамен одан әрі де күресуді, сондай-ақ мемлекеттік бақылау мен қадағалауды жетілдіруді тапсырды.
Сурет: russian.eurasianet.org
