ҚР Премьер-Министрі Асқар Мамин «Роскосмос» ғарыш қызметі жөніндегі мемлекеттік корпорациясының бас директоры Дмитрий Рогозинді қабылдады, деп хабарлайды ҚР Премьер-Министрінің ресми сайтына сілтеме жасай отыра «ҚазАқпарат» ХАА.
Тараптар ғарыш саласындағы Қазақстан-Ресей ынтымақтастығының өзекті мәселелерін, оның ішінде «Байқоңыр» ғарыш айлағын одан әрі дамыту және Жерді орташа қашықтықтан зондтау ғарыш жүйесін қалыптастыру мәселелерін талқылады. «Бәйтерек» бірлескен ғарыштық зымыран кешенін («Назарбаев старты») құру жобасына ерекше назар аударылды.
Кездесуге ҚР Премьер-Министрінің орынбасары Роман Скляр және ҚР сандық даму, инновациялар және аэроғарыш өнеркәсібі министрі Бағдат Мусин қатысты.
