Қазақстанның сыбайлас жемқорлыққа қарсы қызметі Мұнайлы ауданы Маңғыстау ауылының бұрынғы әкімі Өтемұратов, оның бұрынғы орынбасары Қасымов және “Мұнайлы аудандық сәулет және қала құрылысы бөлімі” ММ-нің бұрынғы басшысы Көбегенов сыбайлас жемқорлық үшін сотталғанын хабарлады.
Сыбайлас жемқорлыққа қарсы ведомствоның ақпараты бойынша, жоғарыда аталған адамдар Маңғыстау облысында жеке тұлғалар мен бизнесмендерге заңсыз сегіз жер телімін берді.
“19 тамыз күні Мұнайлы аудандық сотының үкімімен: Көбегенов – төрт жылға, Қасымов – үш жылға, Өтемұратов – үш жылға және алты айға бас бостандығынан айырылды”, – деп хабарлады сыбайлас жемқорлыққа қарсы іс-қимыл агенттігінде.
Сондай-ақ, сотталғандар өмір бойы мемлекеттік қызмет атқару және құқық қорғау органдарында жұмыс істеу құқығынан айырылды.
