Қытай Халық Республикасы Қазақстан үшін 20 жылға 2,062 млрд юань көлемінде 2% жеңілдікпен несие береді.
Қарыз қаражатын Қаржы министрлігі әзірлеген “эталондық өткізу пункті”жобасын іске асыруға салу жоспарланып отыр.
Қаржы министрі Әлихан Смайылов Мәжілісте аталған жобаны жүзеге асыру ЕАЭО кедендік шекарасының қазақстандық учаскесінде өткізу қабілетін арттыруға мүмкіндік беретінін атап өтті.
Сондай-ақ жоба шеңберінде қозғалыс ағындарын міндетті физикалық бөлумен қазақстандық өткізу пункттерін жайластыру да жоспарлануда.
Ведомство басшысы қазақстандық өткізу пункттерінде көлік құралдарының тоқтаусыз қозғалысы үшін бірыңғай өтпелі автоматтандырылған техникалық бақылау дәліздері орнатылатынын атап өтті.
Бұл жағдайда Қытай экспорт-импорт банкі Қазақстан үшін кредитор болып табылады. Ол 20 жыл мерзімге 2% – ға беріледі.
Қытай қарызы аясында тоғыз автомобиль және бір теміржол өткізу бекеттерін ішінара жаңғырту және техникалық толық жарақтандыру жоспарланған.
Жоспарланған жұмыстарды жүзеге асыру 2019 жылдың соңында басталып, 2022 жылдан кейін жоспар бойынша аяқталады.
Сүрөт: ca-portal.ru
