Нұр-Сұлтан авиациялық базасына Ресейдің Смоленск облысы Темкин ауданында сәуір айының басында табылған қазақстандық Ұлы Отан соғысы жауынгерінің мәйіті жеткізілді, деп хабарлайды Қазақстан Республикасы Қорғаныс ведомствосының баспасөз қызметі.
Қорғаныс министрлігінде қазақстандық сарбаздың есімі сақталған мойынтұмарының арқасында анықталғанын айтты. Ол Қарағанды облысы, Шет ауданының тумасы Медет Аманжолов.
Мамандар Медет Аманжолов Ұлы Отан соғысы басталғанға дейін әскерге шақырылып, әскерден майданға аттанғанын анықтады.
Қазақстандық 125-ші жеке атқыштар бригадасының барлау ротасында қызмет етті, ал 1942 жылдың қазан айында Смоленск түбіндегі ұрыс кезінде қаза тапты.
Кейін қаза тапқан қазақстандықтың туған-туыстары әлі де Шет ауданында тұратыны белгілі болды. Бастапқыда туыстары солдат жерленген жерге барғысы келді, бірақ эпидемия жағдайында бұл мүмкін болмады.
Қазақстанның қорғаныс ведомствосында жақын арада қазақстандық батырдың мәйіті туған жерінде, Шет ауданында әскери құрметтермен қайта жерлеу үшін туған туыстарына берілетінін айтты.
