Минскіге сапар шеңберінде республикамыздың премьер-министрі Асқар Маминнің Беларусь көшбасшысы Александр Лукашенкомен кездесті, оның барысында Қазақстан-Беларусь ынтымақтастығы мәселелері талқыланды. Бұл туралы belta.by ақпарат агенттігі жазады.
Екі мемлекеттің өзара іс-әрекеті туралы айта келе, Александр Лукашенко Беларусь біздің Республикамен жақсы қарым-қатынаста, соның ішінде экономикалық қатынаста болғысы келетінін айтты.
Беларусь басшысының айтуынша, оның елі Қазақстан аумағында өндірілетін тауарларға мүдделі. Алайда, Лукашенко жеткізуде белгілі бір қиындықтар туындайтынын атап өтті. Дегенмен, ЕАЭО аясында ол мәселелер шешілетініне сенім білдірді.
“Одақты қалыптастыру мен дамытуда біздің көзқарасымыз ұқсас. Біз одақты құрған кезде де Қазақстанның Тұңғыш Президентімен әрдайым түсіністік таптық. Сондықтан Белорус бағыты бойынша сізге алаңдамауға болады. Мұнда біз тек бірлігіміз үшін жұмыс істейтін боламыз”, – деді Лукашенко.
Кездесу соңында Александр Лукашенко Асқар Мамин арқылы біздің мемлекет басшысы Қасым-Жомарт Тоқаевқа және Тұңғыш Президент Нұрсұлтан Назарбаевқа жылы лебізін жолдады.
