Қазақстан Ұлттық экономика министрлігінің басшысы Руслан Дәленов еліміздің бюджеті мұнай бағасының ауытқуынан қорғалғанын мәлімдеді. Бұл туралы zakon.kz ақпарат агенттігі жазады
Журналистермен кездесу барысында Руслан Дәленов жыл сайын біздің мемлекетіміздің бюджетіне қара алтын бағасының ауытқуынан қорғауды қамтамасыз ететін кепілдендірілген трансферт түсетінін айтты.
“Ұлттық қордан жыл сайын 2,7 трлн теңге кепілдендірілген тәртіппен бюджетке түседі, осылайша бюджет бағаның өзгеруінен қорғалған”, – деді Дәленов.
Әлеуметтік міндеттемелерге арналған шығыстар туралы айта келе, министр бұл үшін шығындарды оңтайландыру бойынша тапсырма бар екенін, сонымен қатар инвестициялық жобаларды жүзеге асыруды келесі жылға ауыстыруға болатынын атап өтті.
Баспасөз конференциясы аясында Дәленов бюджетке түсетін түсімдердің тағы бір көзін атады. Оның айтуынша, бұл өткен жылғы артық қалған кассалық қаражат.
“Сома аз, бірақ ол бар. Сонымен қатар, тағы бірі – бюджет тапшылығы, өйткені әдістеме бойынша тапшылықтың мөлшері ЖІӨ-ге 3%-ға дейін жол беруге болады Осы жылғы тапшылық мөлшері аз болды – бұл да резерв. Сондай-ақ, бюджеттің кіріс бөлігін ұлғайту бойынша іс-шаралар жүргізілуде”, – деп атап өтті министр.
Бұған дейін БАҚ-та Brent мұнай бағасының күрт төмендеуі туралы ақпарат пайда болды. Қазір баррелі 31-33 доллар тұрады.
Сарапшылар мұндай бағасың төмендеуі ОПЕК+ елдері арасындағы мұнай өндіру көлемін азайтуға байланысты келіспеушілік салдарынан орын алғанын айтады.
Сурет: livejournal.com
