Қазақстан Республикасында арнайы бейнежетондар әзірленді, олардың көмегімен еліміздің түзеу мекемелері қызметкерлерінің жұмысы бақыланады.
Қылмыстық-атқару жүйесі комитетінің төрағасы Дархан Қанатбеков колонияның әрбір қызметкеріне осы бейнежетон берілетінін, ол оның барлық әрекеттерін тіркейтін болатынын хабарлады.
Сондай-ақ, қолданушылар камераны өшіре алмайтындай арнайы ережелері әзірленетін болады.
Комитет басшысының айтуынша, биылғы жылдың соңына дейін 31 түзеу мекемесінің қызметкерлерін осындай жетондармен қамтамасыз ету жоспарланып отыр. Ол жетонның кеудеге бекітілетінін айтты.
«2020-2022 жылдарға арналған бюджеттік өтінімде олар мәлімделді, бейнежетондарды сатып алатын боламыз. Қызметкерлерді тәртіпке келтіру мақсатында біз қызметкерлердің қалай қызмет атқаратынын қадағалайтын боламыз және сотталғандар тарапынан құқыққа қарсы әрекеттердің жолын кесу мақсатында қажет», — деп түсіндірді Қанатбеков.
Сурет: Kapital.kz
