Шымкенттің атқарушы билік органының жанына ондаған әйел жиналып, қала әкімі Мұрат Әйтеновпен жеке кездесуді талап етті. Жиналғандар талаптары орындалмайтын болса, әкімдік ғимаратының жанында түнейтіндерін мәлімдеді.
Кейбір әйелдер биліктен үйлерін жылыту үшін көмір бөлуді талап етті, енді біреулері интернеттің сапасы төмендігіне шағымданып, балалары онлайн сабақтарды босатуға мәжбүр екенін айтты. Жалпы, олардың негізгі талабы — әлеуметтік мәселелерді шешу.
Әйелдерге әкімнің орнына әкімдік қызметкерлері шығып, барлық өзекті мәселелерді талқылау үшін көрме кешеніне баруды ұсынды. Алайда наразылық білдірушілер қала басшысы азаматтарды толғандырған сұрақтарға жауап беруі керектігін айтып, кешенге баруға бас тартты.
Әкімдік өкілдері жиналған әйелдерді алып кетуге тырысты, бірақ олардың әрекеттері сәтсіз болды.
Шымкентте бұған дейін де белсенділер қалалық атқарушы билік органының ғимаратына келіп, әкіммен жеке кездесуді талап еткен, бірақ олар әртүрлі себептермен қала басшысымен кездесе алмады.
Сурет: rus.azattyq.org
