Жүргізушілердің жарық шағылыстырғыш кеудешелерін қолданып ұйымдастырылған акциялар Францияда, Бельгияда, Нидерландыда, Грецияда, Болгарияда және Ұлыбританияда өтуде. Олар жыл басынан бері бензин құнының 15% – ға қымбаттауына байланысты наразылықтан басталды, бірақ нәтижесінде ереуілшілер 25 талап қойды, оның ішінде саяси сипаттағы талаптар да бар.
Иерусалим және Тель-Авивтің сары кеудеше киген бірнеше жүздеген тұрғындары көшелерге электрге, сумен қамтамасыз ету және азық-түлікке бағаның жоғарылауына қарсы наразылық белгісі ретінде шықты.
Израильдік наразылық білдірушілер баспасөз релизін таратты, онда: “Франция сияқты, Израильде де күнделікті қажеттіліктер мен тауарларға бағаның көтерілуі туралы жаңалықтарға немқұрайлы қарамайды”деп мәлімдеді.
Мысырдың билігі осындай наразылықтардың қауіптенуінен жарық шағылыстыратын сары кеудешелерді сатуға шектеу енгізді. Олардың пікірінше, мұндай акциялар қаңтар айында Хосни Мүбарактың, 2011 жылғы жаппай наразылық кезінде, құлауына байланысты өтуі мүмкін. Мүбәрак 1981 жылдан бастап 30 жыл билік басында болды.
Болгарияда “сары кеудешелер” Түркия және Греция шекараларында бірнеше жолдар мен өткізу пункттерін бұғаттады, ал Ұлыбританияда Вестминстер көпірін жауып тастады, бұл транспорттық коллапсқа алып келді. Ағылшындар Біріккен Корольдіктің Еуропалық Одақ құрамынан шығуын және Brexit іске асыру процесінде Үкімет тарапынан анағұрлым батыл қадамдарды талап етеді.
Бұл халықаралық наразылық қозғалысы экономиканың нарықтық моделінің дағдарысы кезінде әлеуметтік проблемаларды шешудің мүмкін еместігінен туындады. Бүкіл әлем бойынша миллиондаған адам өмір сүру деңгейінің нашарлауына алаңдаулы және әлеуметтік өзгерістерді талап етеді.
Сурет: korrespondent.net
