Мұхтар Әбілязовтың сыбайласы Грузиядан экстрадицияланды, деп zakon.kz хабарлайды.
29 қазанда Бас прокуратураның, сыбайлас жемқорлыққа қарсы іс — қимыл агенттігінің қызметкерлері ҰҚК көмегімен Грузиядан “БТА Банкі” АҚ-ның бұрынғы басқарма мүшесі-Басқарушы директоры Асылмұрат Рамазановты экстрадициялады.
Ол Мұхтар Әбілязовтың ұйымдасқан қылмыстық қоғамдастық мүшелерімен бірлесіп жасаған “БТА Банкінің” активтерін 249 млрд теңгеден астам сомаға ұрлағаны үшін іздестірілді. Қылмыстық жауапкершіліктен жалтару мақсатында Рамазанов Қырғыз Республикасы азаматының жалған төлқұжатын пайдаланып Грузия аумағында жасырынып жүрген. Алайда, қазақстандық құқық қорғау органдарының грузиялық әріптестерімен үйлесімді жұмысының арқасында ол Грузия ІІМ — мен ұсталды, – деді ҚР Бас прокуратурасында.
Қазір Рамазанов Алматының тергеу изоляторына қамалды.
Сурет: zakon.kz
