Қазақстанда эпидемиологиялық жағдайдың нашарлауына байланысты санитарлық бекеттер қайта қойылады, деп хабарлайды “Хабар 24”.
“Эпидемиологиялық жағдайдың нашарлауына байланысты ел аймақтарында санитарлық бекеттер тағы да қойылады”, — делінген сенбі күнгі хабарламада.
Коронавирустың таралуы бойынша Ақтөбе облысының Ойыл ауданы “қызыл аймаққа” кірді.
“Аудан орталығына келетін немесе кететін барлық адамдар дене қызуын өлшейді, деректер жазады. COVID-19 белгілері бар адамдар ПТР тестілеу үшін екі күнге карантиндік стационарға оқшауланады. Нәтиже оң болған жағдайда, олар жұқпалы ауру ауруханасына жіберіледі. Ойын-сауық мекемелеріне жұмыс істеуге рұқсат етілмейді. Банктер, ХҚКО және “Қазпошта” бөлімшелері сағат 18.00-ге дейін халыққа қызмет көрсетеді”, – делінген хабарламада.
