Қазақстандық Энергетика министрлігінің басшысы Нұрлан Ноғаев біздің республикамыз ОПЕК+ келісімі аясында мамырда мұнай өндіру көлемінің қысқаруының орнын толтыратынын мәлімдеді. Бұл туралы Қазақстанның Энергетика министрлігінің баспасөз қызметі хабарлады.
Мұндай мәлімдемені Нұрлан Ноғаев бүгінгі Қазақстан Үкіметінің отырысында жасады.
Министр мамыр айында қара алтын өндіру көлемінің артуы 3,13 миллион баррельді құрағанын, осыған байланысты олардың орнын толтыру ағымдағы жылдың тамыз-қыркүйек айларында жоспарланғанын түсіндірді.
Сонымен қатар, Энергетика министрлігінің ақпаратына сәйкес, 2020 жылы Қазақстан Республикасында 86 миллион тонна мұнай өндіру жоспарланды.
Бұған дейін хабарланғандай, 6 маусымда ОПЕК+ мүше-елдердің кездесуі өтті, оның қорытындысы бойынша қара алтынды өндіруді тәулігіне 9,7 миллион баррельге қысқартуды шілде айының соңына дейін ұзарту туралы шешім қабылданған.
Сондай-ақ, ОПЕК+ мүше мемлекеттер басқа да ірі мұнай өндірушілерге қара алтын өндіру көлемін қысқартуға қосылуға шақырды.
Сурет: eadaily.com
