Желіде Нұр-Сұлтанның Байқоңыр аудандық соты Қазақстанның Энергетика министрлігі басшыларының бұрынғы орынбасарлары Ғани Сәдібеков пен Бақытжан Жақсалиевтің қылмыстық ісін прокурорға қайтару туралы шешім қабылдады деген ақпарат пайда болды, деп хабарлайды “ҚазТАГ” ақпарат агенттігі.
Осы мәселе бойынша астана қалалық сотының баспасөз хатшысы Ботагөз Баянова өз ойын білдірді. Ол шынында да бұрынғы энергетика вице-министрлерінің қылмыстық ісі прокурорға қайтарылғанын мәлімдеді.
Ботагөз Баянова бұл қылмыстық іс жүргізу заңнамасының бұзылуын болдырмау үшін жасалғанын түсіндірді.
Ғани Сәдібеков 2018 жылдың наурыз айының басында Щучинск-Бурабай курорттық аймағындағы көлді тазалауға бөлінген бюджет ақшасын жымқырды деген күдікпен ұсталды.
Тергеу нұсқасына сәйкес, Энергетика министрлігі басшысының бұрынғы орынбасары “Аймақ” ЖШС мердігер ұйымының басшысымен бірге бір миллиард теңге бюджет қаражатын ұрлаған.
Сол жылдың маусым айының басында Қазақстан Энергетика министрінің тағы бір орынбасары, атап айтқанда Бақытжан Жақсалиев ұсталды.
Ол кезде оған “Аймак и К”ЖШС мердігер ұйымының мүддесі үшін лауазымдық өкілеттіктерін асыра пайдаланды деген айып тағылды. Жақсалиев өз әрекеттерімен мемлекетке 740 миллион теңгеден астам шығын келтірген.
Энергетика министрлігі басшысының бұрынғы орынбасарларының қылмыстық ісінде барлығы сегіз адамның қатысы бар.
Сурет: kaztag.kz
