Қазақстан Республикасының Президенті Нұрсұлтан Назарбаев Бақытжан Сағынтаевты Мемлекеттік хатшы қызметіне тағайындау туралы жарлық шығарды, деп хабарлайды Президент әкімшілігінің баспасөз қызметі.
Президент сайтында орналастырылған Жарлық мәтінінде: «Бақытжан Әбдірұлы Сағынтаев Қазақстан Республикасының Мемлекеттік хатшысы болып тағайындалсын», — делінген.
Сондай-ақ, Сағынтаев Президенттің қызы Дариға Назарбаевамен және басқалармен бірге «Нұр Отан» партиясы Саяси кеңесінің жаңа құрамына кірді.
Сағынтаев бұрын премьер-министр қызметін атқарды. Жақында Назарбаев үкіметті отставкаға жіберді.
Бұрын мемлекеттік хатшы Гүлшара Әбдіқалықова болған,қазір ол вице-премьер қызметін атқарады.
Сурет: primeminister.kz
