Еуразиялық экономикалық комиссия кеңесі 2021 жылғы 5 сәуірде жеке пайдалануға арналған көлік құралдары бойынша уақытша әкелу мерзімдерін 2021 жылғы 30 қыркүйекке дейін ұзарту туралы шешім қабылдады. Бұл туралы ҚР ҚМ Мемлекеттік кірістер комитетінде хабарлады, деп zakon.kz хабарлайды.
Осылайша, жеке пайдалануға арналған көліктерді уақытша әкелген азаматтар ағымдағы жылдың 30 қыркүйегіне дейін оларды ЕАЭО — дан кері әкету міндетінен босатылды, – деп түсіндірді ведомствода.
Аталып өткендей, шешім короновирустық инфекцияның (2019-nCoV) таралуының алдын алуға және болдырмауға бағытталған шараларды қабылдаумен және жеке тұлғалар үшін Еуразиялық экономикалық одақтың құқығын құрайтын кедендік құқықтық қатынастарды реттейтін халықаралық шарттар мен актілерге сәйкес міндеттерді орындау мүмкін еместігімен байланысты қалыптасқан жағдайға байланысты қабылданды.
Бұл шешім COVID-19 пандемиясы кезеңіндегі жұмыс туралы кеден әкімшіліктері үшін жарияланған Дүниежүзілік кеден ұйымының ұсынымдарына сәйкес келеді, — деп МКК-да атап өтті.
Естеріңізге сала кетейік, өткен жылы ЕЭК Кеңесі шешім қабылдады, оған сәйкес жеке пайдалануға арналған көлік құралдары бойынша уақытша әкелу мерзімдері 2021 жылғы 31 наурызға дейін ұзартылды (кеден органының рұқсатынсыз және кедендік декларациясыз).
“Шешім ЕАЭО Кеден кодексіне сәйкес үшінші елдерде тіркелген жеке пайдалануға арналған көлік құралдарын Одақ аумағына уақытша әкелуге 1 жылдан аспайтын мерзімге жол берілетіндігіне байланысты қабылданды”, – деп ҚР ҚМ МКК-де атап өтті.
