С. Асфендияров атындағы медуниверситетте Қазақстан денсаулық сақтау министрлігінің басшысы Елжан Біртановтың журналистермен кездесуі өтті. Оның барысында ол дәрігерлердің жалақысының мөлшерін бас дәрігер анықтайтынын айтты.
Кездесу барысында Елжан Біртанов қазіргі уақытта көптеген отандық медицина қызметкерлері өздерінің еңбек ақысының көлеміне риза еместігіне назар аударды. Ол әрбір қызметкер өз жұмысын атқарады, сондықтан да бәріне бірдей жалақы төленуі дұрыс болмайтынын баса айтты.
Осыған байланысты министрлікте еңбекақы мөлшерін қазақстандық медициналық мекемелердің басшылары — бас дәрігер белгілейді деген шешім қабылданды.
Сондай-ақ, журналистермен кездесу барысында министр міндетті әлеуметтік медициналық сақтандыру жүйесі мәселелерін қозғады. Оның айтуынша, бүгінгі таңда қазақстандықтардың 83% міндетті медициналық сақтандыру бағдарламасына тартылды.
Сонымен қатар, Елжан Біртанов екі мыңға жуық медициналық қызмет көрсетушілер келісім-шартқа қол қойды, олардың басты шарты — медицина қызметкерлерінің жалақысын көтеру екенін атап өтті.
