Дания Еспаева Білім министрлігінің Дүниежүзілік банктен алған 67 миллион доллар несиені игермегені туралы жауабына түсініктеме берді, деп хабарлайды informburo.kz ақпарат ресурсы.
Ағымдағы жылдың 9 қыркүйегінде “Ақ жол” демократиялық партиясының депутаттары мен Nur Otan фракциясының мүшелері Министрлер Кабинеті мен Есеп комитетіне депутаттық сауал жолдап, онда Білім министрлігі Дүниежүзілік банктен алған қарыздың қалай жұмсалып жатқанын тексеруді сұрады.
Есеп комитеті өз жауабында 67 миллион доллар жұмсаудың орындылығын келесі жылы тексеретінін айтты.
Білім министрлігі өз кезегінде қарыз техникалық себептерге байланысты үш жыл ішінде игерілмегенін мәлімдеді.
Еспаева мәлімдеуінше, мұндай жауап “Ақ жол” партиясының мүшелерін қанағаттандырмай, керісінше, еліміздің Білім министрлігіне қатысты одан да көп сұрақтар туғызды.
“Біресе тендер өткізу керек болды, содан кейін карантин. Мен пандемия немесе карантин заңдардың немесе техникалық тапсырманы орындалуға қалай әсер ететінін түсінбеймін. Сайып келгенде, БҒМ 67 миллион доллардың 38 миллион долларын игермейтінін мәлімдейді, өйткені ол ақша компьютерлендіруге және медиа жабдықтарды сатып алуға арналған”, – деді Еспаева.
Сондай-ақ, Министрліктің жауабында Дүниежүзілік банктен алынған ақша оқулықтардың сапасын арттыруға және білім беру бағдарламаларын өзгертуге бағытталатыны айтылғаны оның наразылығын тудырды.
“Кешіріңіз, ағымдағы мәселелерге халықаралық ақшаны қалай пайдалануға болады, оған БҒМ бюджет қаражаты шеңберінде алады. Сондықтан бұл жауап бізді қанағаттандырмады”, – деді депутат.
Сурет: vgr.by
