Бүгін Қазақстан-Ресей жастар форумы аясында Ақпарат және қоғамдық даму министрі Дәурен Абаев мемлекет жастарымен жұмыс істеудің бұрынғы әдістері ескіргенін мәлімдеді және жастарды әлеуметтендірудің барлық институттарының жұмысын өзгертуге шақырды. Айта кетейік, Қазақстан-Ресей жастарының форумы 20-21 мамыр аралығында Қостанайда өтіп жатыр.Бұл туралы “Спутник”ақпарат агенттігі хабарлайды.
“Маған:Жастар жылының міндеті қандай?, Ол аяқталғаннан кейін не болады?, Мемлекет жастар саясатына ерекше көңіл бөлуден бас тартады ма? – деген сұрақтарды жиі қояды Шын мәнінде, мемлекет біздің Тәуелсіздігіміздің бірінші күнінен бастап жастарға ерекше көңіл бөлуде. Тіпті ел үшін ең қиын уақыттың өзінде, 90-шы жылдардың бірінші жартысында, жалақыны қиындықпен берген кезде, Қазақстанның Тұңғыш Президенті, Елбасы Нұрсұлтан Назарбаев “Болашақ” бағдарламасын іске қосты”, – деді Дәурен Абаев.
Абаев Жастар жылының басты мақсаты – жастар саясатының тәсілдері мен қағидаларын жаңа шындыққа негіздеп өзгерту екенін атап өтті.
“Ұрпақтар арасындағы алшақтық қазіргідей ешқашан болған емес. Ол күнделікті әдеттерге, өмір салтына, жаңа технологияларды пайдалануға ғана емес, ең алдымен құндылықтарға, өмірлік басымдықтарға, қоршаған ортаға, отбасы қарым-қатынасына қатысты. Біз жастар қатпарланған параметрлерлі біртекті масса емес екенін жақсы түсінеміз. Сіздер бей-жай емессіздер,мейірімді іспен айналысасыздар. Сарапшылардың пікірінше, сіздерді шындықты іздеушілердің ұрпағы деп атауға болады”, – деді Абаев.
Сөз соңында Ақпарат және қоғамдық даму министрі Жастар Жылы аясындағы бағдарламалар мен іс-шаралар жас азаматтардың 70%-ға жуығын қамтуға тиіс екенін айтты. Естеріңізге сала кетейік, Қазақстандағы жастар саны төрт миллионға жуық.
“Мемлекеттің жастармен жұмыс жасаудың бұрынғы әдістері мен құралдары ескірген. Біз мұны түсінеміз. Жастар жылы соның ішінде жас азаматтарды әлеуметтендірудің барлық институттары қызметінің принциптерін өзгертуге және жақсартуға бағытталған”, – деп қортындылады Абаев.
Сурет: nur. kz
