Назарбаев “Назарбаев Университеті” АҚ президенті Шигео Катсумен кездесу өткізді, деп хабарлайды Қазақстанның Тұңғыш Президентінің баспасөз қызметі.
Кездесу барысында Шигео Катсу Нұрсұлтан Назарбаевты “Назарбаев Университетінің” ағымдағы дамуы туралы хабардар етті. Сондай-ақ, ҚР Тұңғыш Президентіне ЖОО түлектеріне диплом табыс етудің бесінші рәсіміне дайындық барысы туралы мәлімет берді.
“Көптеген адамдар бізде халықаралық деңгейдегі университет болатынына сенген жоқ. Міне, Сіз ұзақ жылдар бойы осындай университеттің ректорысыз. ЖОО –ның зияткерлік әлеуеті бар – оқу орнының деңгейін көтеретін ғалымдар. “Назарбаев Университеті” Қазақстанның брендтерінің біріне айналды”, – деді Назарбаев.
Кездесу соңында Нұрсұлтан Назарбаев Шигео Катсу бірқатар тапсырмалар берді.
Сурет: inform.kz
