Алматы қаласы прокуратурасының өкілдері Чехияның Әділет министрлігінде “Алматы “Әлеуметтік-кәсіпкерлік корпорациясы” Ұлттық компаниясы” АҚ бұрынғы менеджерін Қазақстанға беру туралы сұранысты қанағаттандырғанын айтты.
“Алматы прокуратурасының қызметкерлері Алматы қаласы бойынша экономикалық тергеу департаментінің қызметкерлерімен бірлесіп, қылмыстық жауапкершілікке тарту үшін Чех Республикасынан Иконников Сергей Анатольевич экстрадицияланды”, – деп хабарлады қадағалау органы.
“Алматы” “Әлеуметтік-кәсіпкерлік корпорациясы” Ұлттық компаниясы” АҚ-ның бұрынғы менеджері өзіне сеніп тапсырылған мүлікті аса ірі көлемде жымқырды деп айыпталуда.
Прокуратура қызметкерлерінің ақпараты бойынша, бұрынғы менеджер 2017 жылдан бастап халықаралық іздестіруде. Қазір күдікті Алматы тергеу изоляторында қамауда.
Сурет: Popmech.ru
