Қазақстанда төрт министрліктің орталық аппараттарының қызметін кеңейтуге дайындалып жатыр, деп kaztag ақпарат агенттігі хабарлайды.
“Қазақстан Республикасы Ауыл шаруашылығы министрлігі туралы ережеде: 16-тармақ мынадай мазмұндағы 168-1) тармақшамен толықтырылсын: “168-1) тоқсан сайын есепті тоқсаннан кейінгі айдың бесінші күнінен кешіктірмей жергілікті атқарушы органдар қалыптастыратын азық – түлік тауарларын есепке алу жөніндегі ақпаратты жұмылдыру дайындығы саласындағы уәкілетті органға ұсынады”, – делінген Үкімет қаулысының жобасында.
Ұлттық экономика министрлігі орталық аппаратының функцияларын мынадай мазмұндағы 260-1) тармақшамен толықтыру ниеті бар: “260-1) Қазақстан Республикасының Үкіметін хабардар ету мақсатында тоқсан сайын, есепті тоқсаннан кейінгі айдың жиырмасынан кешіктірмей, мемлекеттік материалдық резервтің материалдық құндылықтарын, жұмылдыру резервінің дәрілік заттары мен медициналық бұйымдарын, азық-түлік тауарларын, дәрілік заттар мен медициналық жабдықтарды есепке алу жөніндегі ақпаратты жібереді”.
Денсаулық сақтау министрлігі орталық аппаратының функциялары мынадай мазмұндағы 38-3) тармақшамен толықтырылсын: “38-3) тоқсан сайын, есепті тоқсаннан кейінгі айдың бесінші күнінен кешіктірмей жұмылдыру резервінің дәрілік заттары мен медициналық бұйымдарын есепке алу жөніндегі ақпаратты жұмылдыру дайындығы саласындағы уәкілетті органға ұсынады”.
Төтенше жағдайлар министрлігі орталық аппаратының функцияларын мынадай мазмұндағы 146-1) тармақшамен толықтыру жоспарлануда: “146-1) тоқсан сайын есепті тоқсаннан кейінгі айдың бесінші күнінен кешіктірмей жұмылдыру дайындығы саласындағы уәкілетті органға мемлекеттік материалдық резервтің материалдық құндылықтарын есепке алу жөніндегі ақпаратты ұсынады”.
“Жобаны қабылдау Қазақстан Республикасының Үкіметін Мемлекеттік материалдық резервтің материалдық құндылықтарының, жұмылдыру резервінің дәрілік заттары мен медициналық бұйымдарының, әлеуметтік маңызы бар азық – түлік тауарларының болуы туралы ақпаратпен ақпараттандыруға мүмкіндік береді”, – делінген құжатқа түсіндірме жазбада.
