Қазақстан Дүниежүзілік денсаулық сақтау ұйымының (ДДСҰ) тізілімінде нанобөлшектер негізінде ковидке қарсы вакцинаны тіркеді, деп хабарлады Денсаулық сақтау министрлігінің баспасөз қызметі.
“2020 жылдан бастап М.Айқымбаев атындағы аса қауіпті инфекциялар Ұлттық ғылыми орталығы мен Қазақ ұлттық аграрлық зерттеу университеті арасындағы ынтымақтастық туралы келісім негізінде АӨОҒО орталық референттік зертханасының базасында COVID-19-ға қарсы вакциналарды әзірлеу бойынша бірлескен зерттеулер басталды. Орталық референттік зертхананың бірегей мүмкіндіктерінің арқасында бүгінгі таңда екі вакцина өндірілді – наноэмульсиялық майлы адъювант негізіндегі суббірлікті вакцина және нанобөлшектерге негізделген вакцина. Naruvax-C19 және NARUVAX-C19/Nano жұмыс атауларымен вакциналар ДДСҰ-ға үміткер вакциналар тізіліміне енгізілген”, – делінген сенбіде таратылған хабарламада.
Қазіргі уақытта вакциналар АҚИҰҒО-ның SPF жануарларына клиникаға дейінгі зерттеу сатысынан өтуде.
“Осы уақытқа дейін ҚазҰАУ халықаралық вакцинология орталығының директоры Қайсар Табыновтың жетекшілігімен біріккен зерттеу тобы 2020 жылдың маусым және желтоқсан айларында SARS-CoV-2 вирусының 12-ге жуық штаммын бөліп шығарды, оның ішінде үш штамм АҚИҰҒО микроорганизмдер коллекциясына сақтауға берілді және “hCoV-19/Kazakhstan/KazNAU-Nscedi-481/2020 Kkzi KA-294 SARS-CoV-2 вирусының штаммы” деген атаумен бір штаммға патент алынды, nidovirales coronaviridae тұқымдасының betacoronavirus түрінің Coronavirus Клайд g, иммунобиологиялық препараттарды дайындауға және тестілеуге, in vitro және in vivo әртүрлі заттардың вирусқа қарсы белсенділігін анықтауға арналған”. Қазақ ұлттық аграрлық зерттеу университеті мен М.Айқымбаев атындағы аса қауіпті инфекциялар Ұлттық ғылыми орталығы патент иелері болып табылады. SARS-CoV-2 вирусының алты оқшауланған штамдары бойынша S гендерінің толық нуклеотидтік тізбегі GISAID халықаралық мәліметтер базасында жарияланды», – деді Денсаулық сақтау министрлігі.
