Нұр-Сұлтанда қатарында сексен мыңнан астам мүшесі бар «Ауыл» халықтық-демократиялық патриоттық партиясы мүшелерінің кезектен тыс съезі өтті. Бұл туралы vlast.kz ақпарат агенттігі жазады.
Съезд 2013 жылы «Әділет» және «Руханият» партияларын біріктіру нәтижесінде құрылған «Бірлік» саяси партиясы мен «Ауыл» партиясын біріктіру мақсатында ұйымдастырылды.
Мәселені талқылай отырып, «Ауыл» партиясының мүшелері «Бірлік» саяси құрылымымен бірікпеуге шешім қабылдады.
«Ауыл» партиясы орталық аппаратының басшысы Қуаныш Сейітжановтың айтуынша, «Бірлік» партиясының мүшелері қоғамдық-саяси оқиғаларды талқылап, шешім қабылдауда белсенділік танытпайды.
Бас тарту «Бірлік» партиясының мүшелерін ашуландырды. Оның төрағасы Серік Сұлтанғали бұл партиямен бірігу қосымша артықшылықтар бермейтінін айтып, «Ауыл» партиясын тіпті де сынға алды.
«Объективті түрде айтатын болсақ, агроөнеркәсіп кешені саласындағы жағдайды жақсартуда нақты қадамдар жасамаған, оның ғылыми орталығына айнала алмаған, карантин кезінде фермерлер шығынға ұшырап, жұмыс істей алмаған кезде де өзін көрсете алмаған партиямен бірігу бізге қосымша артықшылық бермейді», — деді Сұлтанғали.
Сурет: tengrinews.kz
