БАҚ өкілдері мемлекет басшысы Қасым-Жомарт Тоқаевқа жүгініп, олардың пікірінше, еліміздің өзекті мәселелерін елемейтін орталық коммуникациялар қызметіне шағымданды, деп хабарлайды “ҚазТАГ” ақпарат агенттігі.
Журналистердің айтуынша, барлығы биылғы жылдың сәуір айында басталған, Қасым-Жомарт Тоқаевтың тапсырмасы бойынша Қазақстанның әрбір мемлекеттік органы мен әкімшілігінде жеке ақпарат көзі құрылған.
БАҚ өкілдерінің айтуынша, бұл дереккөздер күні бойы бірдей ақпаратты жария еткен, ал журналистерден келіп түскен сұрақтардың 90%-ы жауапсыз қалған.
“Маусым айына қарай ақпарат беру жағдайы өзгерді, бірақ өкінішке орай, жақсы жаққа емес. Егер сәуір айында біздің сұрақтарымыз елеусіз қалған болса, қазір олар саралануда: сұрақтардың бір бөлігі брифингтерде мүлдем айтылмайды, ал екінші бөлігі танымайтындай “редакцияланады”, – деді журналистер.
Бүгін, БАҚ өкілдері хабарлағандай, орталық коммуникациялар қызметі журналистердің елорда әкімі Алтай Күлгіновке Нұр-Сұлтандағы отшашуға байланысты қойған сұрағын тағы елемеді.
“Бұл бірінші рет емес. Барлық брифингтер онлайн режиміне ауыстырылғаннан бері билік тек оларға ыңғайлы сұрақтарға жауап береді. Жалпы жағдай нашар және күн сайын нашарлап барады. Қол жинауды жариялаймыз”, – деді журналист Серікжан Мәулетбай.
Сурет: Oldru.kyzylorda-news.ru
