Атырау облыстық сотының баспасөз қызметінің қызметкерлері Атырау облысының бұрынғы әкімі Бергей Рысқалиевті 17 жылға бас бостандығынан айырғанын хабарлады.
Бұрынғы облыс әкімі бөтен мүлікті ұрлау, алаяқтық, қылмыстық қауымдастықты құру және басқару, лауазымдық өкілеттіктерін асыра пайдалану және пара алу жөнінде айыпталды. Оның туған ағасы, Қазақстан Республикасы Парламенті Мәжілісінің бұрынғы депутаты Аманжан Рысқалиевті 16 жылға бас бостандығынан айырды.
Бергей Рысқалиев Атырау облысы әкімдігінің өзге де лауазымды тұлғаларымен алдын ала сөз байласу арқылы өзінің қызмет бабын пайдалана отырып, сеніп тапсырылған мемлекеттік ақша қаражатын аса ірі мөлшерде ұрлаудың қылмыстық схемасын әзірледі. Мемлекетке келтірілген шығын 72 миллиард теңгеден асады.
Сотталушылардың сотқа келмеуіне байланысты іс сырттай тәртіппен қаралды.
Сулет: tengrinews.kz
