«ҚазМұнайГаз» қазақстандық мұнай компаниясында жаңа лауазымдық жалақы жүйесі бекітілді. Бұл туралы nur.kz ақпарат агенттігі хабарлады.
Жаңа жүйе туралы «Қазмұнайгаздың» адам ресурстарын басқару жөніндегі директоры Дәулетжан Хасанов толығырақ баяндады.
Оның айтуынша, енді төраға мен оның орынбасарларының жалақысы 30 %-ға аз болады. Сондай-ақ, орта буын басшыларына жалақы көлемі 20%-ға қысқарды.
Алайда, қазақстандық мұнай компаниясының өкілі атап өткендей, қатардағы қызметкерлердің жалақысы өзгеріссіз қалды.
Сонымен қатар, Дәулетжан Хасанов мәлімдегендей, «ҚазМұнайГаздың» барлық топ-менеджерлеріне биылғы жылғы барлық сыйақылар мен бонустарды алынып тасталды.
Компания өкілі ағымдағы жылдың бірінші тоқсанының қорытындысы бойынша «Қазмұнайгаздың» табысы үш есеге төмендегенін, осыған байланысты қазір қаржылық жағдайды тұрақтандыруға мүмкіндік беретін және дағдарыстан кейінгі кезеңде іске қосылуға қажетті жағдай жасайтын дағдарысқа қарсы стратегия әзірленіп жатқанын айтты.
Дәулетжан Хасановтың айтуынша, еліміздің мұнай компаниясы басшылықтың жалақысын оңтайландыру дағдарысқа қарсы стратегияға орай жүргізілгенін атап өтті.
Сурет: inbusiness.kz
