Қазақстан Республикасы Сыртқы істер министрі Бейбіт Атамқұлов 19 тамызда ресми сапармен Германияға барады. Бұл туралы ҚР Сыртқы істер министрлігінің ресми өкілі Айбек Смадияров мәлімдеді.
Смадияровтың айтуынша, сапар барысында ҚР Сыртқы істер министрі Хайко Мааспен кездесу өтеді.
Сондай-ақ, ол федералдық президент және Германия Федералдық канцлері ведомстволарының басшылығымен кездеседі. Кездесулер аясында көпжақты дипломатия желісі бойынша саяси және экономикалық өзара іс-қимыл мен ынтымақтастықтың өзекті мәселелерін қарау жоспарланған.
Оның сапары барысында басты іс-шаралардың бірі неміс компанияларының басшылары қатысатын “дөңгелек үстел” болады. Шара аясында еліміздің инвестициялық ахуалын таныстыру жоспарланған, деп хабарлады Смадияров.
Сурет: inform.kz
