Қазақстанның бес өңірінде коронадағдарыс кезінде мектеп компьютерлерін сатып алуға бөлінген мемлекеттік қаражатты ұрлау тергелуде, деп хабарлайды агенттік тілшісі.
“Еліміздің бес өңірінде білім басқармаларының лауазымды тұлғаларына қатысты 2020 жылы шұғыл шығындарға арналған үкімет резерві есебінен ағымдағы іс-шараларды өткізу бағдарламасы бойынша компьютерлер, планшеттер мен ноутбуктер сатып алуға бөлінген бюджет қаражатын жымқыру фактілері бойынша алты қылмыстық іс тергелуде”, – деп хабарлады жұма күнгі брифингте Сыбайлас жемқорлыққа қарсы іс-қимыл агенттігінің аса маңызды істер жөніндегі тергеушісі Данияр Биғайдаров.
Оның айтуынша, қаражат мектеп оқушыларын, оның ішінде аз қамтылған отбасыларды компьютермен қамтамасыз ету үшін білім беру процесінің онлайн-форматқа көшуіне байланысты шұғыл қажеттіліктерге бөлінді.
“Сотқа дейінгі осы тергеп-тексерулер ішкі мемлекеттік аудит актілерінің негізінде тіркелді. Сотқа дейінгі тергеу жалғасуда. Келтірілген залал сомасын анықтау мақсатында тиісті сараптамалар тағайындалады”, – деді Биғайдаров.
