Қазақстан Қаржы министрлігінде «Тұрақты даму мақсаттары. Қазақстанның тұрақты дамуындағы бухгалтерлік есеп пен аудиттің рөлі» дөңгелек үстелі өтті. Бұл туралы ҚР Қаржы министрлігінің баспасөз қызметі хабарлады.
Дөңгелек үстел жұмысына еліміздің мемлекеттік органдарының, сондай-ақ Азия Даму Банкі мен Біріккен Ұлттар Ұйымының өкілдері қатысты.
Қазақстан ведомствоның ақпараты бойынша, пікірталас барысында тұрақты даму, бухгалтерлік есеп және қаржылық есептілікке байланысты мәселелер қаралды.
Сондай-ақ дөңгелек үстел барысында қатысушыларға тұрақты даму мақсаттарының 79%-ы біздің республикамыздың мемлекеттік жоспарлау жүйесінің құжаттарында көрсетілгені туралы ақпарат берілді.
Сонымен қатар, кездесу аясында Азия даму банкінің өкілдері мемлекеттік сектордағы бухгалтерлік есептің рөлі мен бухгалтерлік есепті жүргізуге қойылатын талаптар туралы айтты..
