Азаматтық авиация комитеті Еуразиялық экономикалық одаққа қатысушы екі елмен біздің республикамыз әуе қатынасын қайта жандандыратынын хабарлады, деп жазады nur.kz ақпараттық ресурсы.
Сөз Ресей мен Беларусь туралы болып отыр. Комитет өкілдерінің айтуынша, бұл мемлекеттермен авиациялық қатынасты қалпына келтіруге байланысты барлық мәселелер келісілді.
Ведомство атап өткендей, Ресей мен Беларуссияға ұшу кезінде жолаушылар мен экипаж барлық белгіленген санитарлық талаптарды, соның ішінде бетперде тәртібі мен әлеуметтік қашықтықты сақтауы керек.
Азаматтық авиация комитеті әуе рейстерінің саны нақты бағыттар бойынша ұшақтардың коммерциялық жүктемесіне байланысты болатынын айтты.
Біздің республикамыз Ресей Федерациясы мен Беларусьтен басқа, Біріккен Араб Әмірліктерімен, Германиямен, Нидерландымен, Египетпен және Украинамен әуе қатынасын қайта бастайды.
Комитет Қазақстан әуе қатынасы қайта басталатын елдерге әуе рейстерінің кестесі карантин шектеулері тоқтатылғаннан кейін, авиакомпаниялардың ресми сайттарында пайда болады деп қоса айтты.
Сурет: msn.com
