“Ұлттық ақпараттық технологиялар” АҚ наркологиялық, психоневрологиялық және туберкулезге қарсы диспансерлерден анықтаманы “Telegram”мессенджерінен @EgovKzBot көмегімен алуға болатыны туралы ақпарат таратты.
Боттың көмегімен азаматтар енді тегін анықтама ала алады. Бүгінгі күні Telegram-бот арқылы қол жетімді қызметтер мен сервистер саны 20-ға жетті.
@EgovKzBot ботының көмегімен қазақстандықтар мекенжай анықтамасын, жеке тұлғаның басқа заңды тұлғаларға қатысуы туралы анықтама, сотталмағандығы туралы анықтаманы, жылжымайтын мүліктің болуы немесе болмауы туралы анықтаманы және жылжымайтын мүлікке тіркелген құқықтар (ауыртпалықтар) туралы анықтаманы тегін ала алады. Сондай-ақ, базалық зейнетақы төлемінің мөлшері туралы ақпаратты сұратуға және әлеуметтік мәртебені тексеруге болады
Қызметті алу үшін “Мобильдік азаматтар базасына” тіркелу қажет. Яғни, eGov.kz порталының жеке кабинетінде телефон нөмірін тіркеп, өзінің гаджетінде Telegram мессенджеріндегі ботты іске қосу керек. Одан әрі алдын ала анықталған командалар арқылы SMS-кодты растап, пайдаланушының электрондық поштасына жіберу мүмкіндігі бар сервистердің анықтамалары мен ақпаратын сұратуға болады.
Сулет: tengrinews.kz
