Дәрігерлер қазір Жапония жағалауында карантинде тұрған Diamond Princess круиз лайнерінің жолаушыларында қытайлық коронавирусты жұқтырудың жаңа жағдайларын анықтады. Бұл туралы “Хабар24” ақпарат агенттігі хабарлайды.
Келіп түскен ақпаратқа байланысты осы лайнерде Қытай коронавирусын жұқтырған жолаушыларының жалпы саны 285 адамды құрайды.
Круиз лайнерінің бортында Қазақстанның 4 азаматы бар. Денсаулық сақтау министрлігінің ақпараты бойынша, олардың денсаулық жағдайы қанағаттанарлық, оларда Қытай вирусының белгілері жоқ.
Қазақстанның денсаулық сақтау министрлігі круиздік лайнердің бортындағы карантин келесі аптада аяқталуы тиіс деп айтқан болатын.
Diamond Princess кемесі коронавирустық инфекцияға байланысты карантинге қойырылды. Сонымен қатар, лайнерге жағадан кетуге тыйым салынды.
Бүгінгі күні кеме бортында карантинге оқшауланған 3,7 мың адам бар. Бұл 50 елдің азаматтары, оның ішінде біздің еліміздің азаматтары бар. Қазір жолаушыларға каютадан шығуға рұқсат етілмейді, теледидар мен интернетті қолдану мүмкіндігі бар.
