“Ростех” мемлекеттік корпорациясының өкілдері Ұжымдық қауіпсіздік туралы шарт ұйымы елдерінің студенттері магистрлік бағдарламаға қатыса алады, содан кейін оларға Мәскеу мемлекеттік Халықаралық қатынастар университетінің дипломы беріледі деп хабарлады.
“Әскери-техникалық ынтымақтастық және жоғары технологиялар саласындағы менеджмент” бағдарламасын осы жоғары оқу орны мен Ресей Федерациясының ірі өнеркәсіптік компанияларының бірі болып табылатын “Ростех” мемлекеттік корпорациясы іске асырады.
Ростехтің персоналды басқару директоры Юлия Цветкова осы бағдарламаның басты мақсаты туралы айтты.
Оның айтуынша, бағдарлама “Ростех” орталық аппараты мен оның құрылымына кіретін ұйымдар үшін жас кадрларды даярлау үшін жүзеге асырылады. Сондықтан оқуды аяқтағаннан кейін, ҰҚШҰ елдерінен, оның ішінде Қазақстаннан келген студенттердің, Ресейдің ең беделді жоғары оқу орындарының бірінің дипломы ғана емес, болашақта Ресейдің мемлекеттік корпорациясына жұмысқа орналасу мүмкіндігі болады.
Коронавирусқа байланысты ҰҚШҰ мемлекеттерінің студенттері магистрлік бағдарлама бойынша қашықтықтан оқыту форматында оқуды бастап, мүмкіндік болғанда Мәскеудегі негізгі топқа қосылады.
Сурет: youstudynew.com
