Қоғамдық маңызы бар бастамаларды дамыту қоры біздің педагогтар «Әлем мұғалімі» атағы үшін бақ сынаса алатынын, жеңіске жеткен жағдайда бас жүлде — бір миллион доллар алатынын айтты, деп хабарлайды 365info.kz жаңалықтар ресурсы.
Ол үшін педагог, бас жүлдесі 10 мың доллардан тұратын «Қазақстан мұғалімі» байқауының жеңімпазы немесе тоғыз финалистерінің бірі болуы керек.
Осы байқаудың қорытындысы шығарылғаннан кейін, жеңімпаздың және тоғыз үздік финалистің өтінімдері «Әлем мұғалімі» жаһандық байқауының іріктеу кезеңіне жіберіледі.
Қор өкілдері қазақстандық байқауға қатысуға тек мұғалімдер ғана емес, мектеп оқушылары да өтінім бере алатынын нақтылап айтты.
«Мұғалім қандай да бір себептермен өзін ұсынудан ұялады, ал оқушылар оны сыйлыққа лайық деп санайды. Бұл жағдайда оқушылар сүйікті мұғаліміне бүкіл елге танымал болуға көмектесе алады», — деді қорда.
«Қазақстан мұғалімі» байқауы біздің мемлекетімізде жыл сайын өткізіледі. Оны ұйымдастырушы қоғамдық-маңызды бастамаларды дамыту қоры — «Әлем мұғалімі» жаһандық сыйлығының ресми серіктесі.
Сурет: prodengi.kz
