Санкт-Петербургте және Астраханьда Ұлы Отан соғысы Жеңісінің 75 жылдығына арналған салтанатты іс-шаралар өтті, оған республикамыздың дипломаттары қатысты. Бұл туралы Ресей Федерациясындағы Қазақстан елшілігінің баспасөз қызметі хабарлайды.
Санкт-Петербургте қазақстандық басконсул Бауыржан Досманбетов Қазақстан Республикасы мен Ресей Федерациясының күш-жігерінің арқасында бір жыл бұрын ашылған Кеңес Одағының Батыры Әлия Молдағұлованың ескерткішіне гүл шоқтарын қойды.
Астрахань қаласында қазақстандық консулдықтың кеңесшісі Жанболат Мырзалин Бауырластар бақшасындағы Мәңгілік алауға гүл шоқтарын қойды.
Жанболат Мырзалин, қазақстандықтар, басқа да посткеңестік мемлекеттердің азаматтары үшін Жеңіс күні Ұлы мереке екенін атап өтті. Соғыс жылдарында Қазақстаннан 1,2 миллионнан астам адам майданға аттанды,алайда үйлеріне тек жартысы ғана оралды.
«Біз батырларымызды ұмытпаймыз. Кеңес Одағының екі мәрте Батыры ұшқыштар Талғат Бигелдинов пен Сергей Луганский. Пулеметші Мәншүк Мәметова — Кеңес Одағының Батыры атағын берген алғашқы Қазақстандық. Мерген қыз Әлия Молдағұлованы мақтан тұтамыз, ол көптеген жауды жойып, Жеңіс үшін өмірін қиды», — деді Мырзалин.
Дипломат өз Отанын фашист басқыншыларынан қорғаған Ұлы Отан соғысының батырлары туралы жарқын естелік әрдайым біздің жүрегімізде қалатынын атап өтті.
