“Иволга-холдинг” ЖШС-ның бұрынғы басшысы Василий Розинов Қостанайда ҚР ҚК 177-бабы 4-бөлімі бойынша (алаяқтық) сотталатын болады. Сот отырысы осы жылдың 17 қыркүйегінде өтеді.
Бүгінгі таңда “Иволга-холдинг” экс-басшысы Василий Розинов кепілдікпен бостандықта жүр. Полиция қызметкерлерінің ақпаратына қарағанда, кінәсін мойындаған жағдайда, оған мүлкін тәркілеумен бірге 5 жылдан 10 жылға дейін бас бостандығынан айыру қаупі төніп тұр.
Естеріңізге сала кетейік, 2016 жылы Еуразиялық банк “Иволга-холдинг” ЖШС банкрот деп тану туралы талап арызбен сотқа жүгінді. Банк бұл компанияның тым үлкен борыштары болғандықтан,төлеуге мүмкіндігі жоқ деген дәлел келтірді.
Содан кейін, “Иволга-холдинг” ЖШС бас директор ауысты, 2018 жылы компания жойылды, ал оның орнына “Олжа Агро” ЖШС пайда болды.
Бұған дейін Василий Розинов Қазақстан Республикасының 50 аса бай кәсіпкерлері тізіміне енген.
Сурет: Kstnews.kz
