“ҚазМұнайГаз” қазақстандық мемлекеттік кәсіпорны Әзірбайжан Республикасының мұнай мемлекеттік SOCAR компаниясына «Сәтті» өзін-өзі көтеретін жүзбелі бұрғылау қондырғысын сенімді басқаруға берді. Бұл туралы Kapital.kz сайтына “Қазмұнайгаздың” баспасөз қызметі хабарлады.
Бұл туралы 16 ақпанда Астанада тараптардың еншілес компанияларының бас директорлары – “KMG Drilling&Services” жауапкершілігі шектеулі серіктестігінің басшысы Андарь Шукпутов пен “Caspian Drilling CompanyLtd” басқарушы Фарид Ахундов қол қойды. Шартқа қол қою кезінде “ҚазМұнайГаз” Басқармасының Төрағасы Алик Айдарбаев пен SOCAR Президенті Ровнаг Абдуллаев қатысты.
Баспасөз қызметінің хабарламасында, мәміленің негізгі мақсаты – Әзірбайжан тарапының жобаларында қондырғыларды пайдалану деп айтылған. Жобаның бірі – “Вritish Рetroleum” әзірлейтін Апшерон құрылымындағы қондырғыны пайдалану.
Ынтымақтастық аясында қондырғыны жаңғырту қарастырылған,бұл тереңдігі 6 километрден астам барлау ұңғымаларын қауіпсіз және тиімді бұрғылауға мүмкіндік береді. “Қазмұнайгаздың” мамандары бұрғылау жұмыстарына қатысып, Каспий теңізінің әзірбайжандық секторындағы қондырғыны пайдалануға техникалық қолдау көрсетеді. Қаңтар айында тараптар қондырғыны Бакуге тасымалдауды және оны жаңғыртуды көздейтін ынтымақтастық туралы меморандумға қол қойды.
Сурет: kapital.kz
